أحمد زاهر يوجه رسالة مؤثرة لابنته ليلى: "شفت شريط حياتك قدامي"

في لحظة مليئة بالمشاعر، خطف الفنان أحمد زاهر قلوب الحضور برسالة مؤثرة وجهها إلى ابنته الكبرى ليلى زاهر خلال حفل زفافها، بعدما فاجأها وهو يشاركها الرقصة الأولى كعروس.

وقال زاهر:"وأنا داخل أرقص معاكي شفت وشك اللي زي القمر، أجمل عروسة في الدنيا كلها، وبصيت في عينيكي وفجأة مر قدامي شريط ذكريات من أول يوم جيتي فيه الدنيا، وأنا أول واحد شيلك بين إيديا، وشوفت كل لحظة وانتي بتكبري قدامي لحد اللحظة دي".

وأضاف: "حسيت بمشاعر متناقضة، والدموع نزلت غصب عني، كنت عايز أقولك لا متمشيش وتسيبيني، بس في نفس الوقت كنت حاسس إن دي أجمل لحظة في حياتك. اخترتي اللي بتحبيه وبيحبك، بصراحة اخترتي صح، راجل محترم وهايشيلك جوه عنيه زي ما وعدني".

واختتم رسالته قائلاً: "مبروك يا بنت عمري، يا بنت قلبي، بحبك يا أجمل بنوتة وأجمل عروسة في الدنيا كلها، بحبك يا ليلى".